Agtergrond van Mary Stewart gebed
Mary Stewart is in 1879 gebore, opgelei in Georgetown Colorado en het ‘n BA graad verwerf aan die Boulder Staatsuniversiteit. In 1927 is die eregraad M Litt aan haar toegeken. Hierdie gebed is deur haar in 1904 geskryf toe sy die prinsipale van ‘n hoërskool in Longmont, Colorado was. Daarna is sy aangestel as Superintendente van Indiëronderwys in die Staatsdepartement van Californië en het sy die gebed aan die Longmont Vrouevereniging, wat tweeweekliks vergader het, voorgelees.
Nadat sy in 1936 die driejaarlikse konferensie van die Wêreldbond van Plattelandse Vroue (WBPV) in Washington bygewoon het, was sy beindruk deur die feit dat vroue met sulke uiteenlopende belange kon saamwerk, en moontlik ‘n behoefte aan gebed gevoel het. Tydens ‘n vergadering van die WBPV in 1937 het sy self die gebed aan die lede voorgelees en het die gebed sy weg gevind rondom al die lande waar die WBPV verteenwoordig is.
Mary Stewart is in 1943 oorlede, maar haar gebed leef voort in die harte van meer as agt miljoen vroue dwarsoor die wêreld.
Bron: Vroue Landbou Unie gedenkalbum 1925-1975
Mary Stewart is in 1879 gebore, opgelei in Georgetown Colorado en het ‘n BA graad verwerf aan die Boulder Staatsuniversiteit. In 1927 is die eregraad M Litt aan haar toegeken. Hierdie gebed is deur haar in 1904 geskryf toe sy die prinsipale van ‘n hoërskool in Longmont, Colorado was. Daarna is sy aangestel as Superintendente van Indiëronderwys in die Staatsdepartement van Californië en het sy die gebed aan die Longmont Vrouevereniging, wat tweeweekliks vergader het, voorgelees.
Nadat sy in 1936 die driejaarlikse konferensie van die Wêreldbond van Plattelandse Vroue (WBPV) in Washington bygewoon het, was sy beindruk deur die feit dat vroue met sulke uiteenlopende belange kon saamwerk, en moontlik ‘n behoefte aan gebed gevoel het. Tydens ‘n vergadering van die WBPV in 1937 het sy self die gebed aan die lede voorgelees en het die gebed sy weg gevind rondom al die lande waar die WBPV verteenwoordig is.
Mary Stewart is in 1943 oorlede, maar haar gebed leef voort in die harte van meer as agt miljoen vroue dwarsoor die wêreld.
Bron: Vroue Landbou Unie gedenkalbum 1925-1975