Ons het ’n heerlike uitstappie na Madron Perdestalle net buite Standerton gehad. Hier het ons pragtige, goed-afgerigte perde gesien wat aan skoue in Standerton, Bethlehem, Parys en Bloemfontein deelneem. Die dames wat die dag bygewoon het, was Judy Bergh, Belinda Wallis, Gerda Büter en Hannatjie Swartz. Nadat hulle die perde se oefeninge geniet het, het die dag op ’n hoë noot geëindig met ’n bederfpakkie – en daar is behoorlik daaraan gesmul!
Gerda Büter Streekvoorsitster Hoëveldstreek,
Jenny Van Rheede van Oudtshoorn
Vise-Streeksvoorsitster Hoëveldstreek en Alna Kapp Presidente Mpumalanga
Mev Gerda Büter en Mev Tjoekie Nel het tydens die Januarie-streekvergadering geleer hoe om kortbrei en kleurbrei onder die knie te kry. By die April-vergadering het die Vaalrivier-tak ook hierdie vaardighede aangeleer. As deel van die streek se kompetisie het hulle kreatief gewerk aan musse en vingerlose handskoene.
Ons verwelkom Mev Judy Bergh, Mev Rene Smith en Mev Sonia van Wyk as nuwe lede. Mag julle dae gevul wees met VLU-gedagtes.